Zion Tangko Hawm 11 Na
Editorial Laikung pan
Zion Tangko hawm a 11 vei na ciangah hong tun Topa a minthang ta hen. Amen. Jesu sungah tha lakhawm kik ni. 1. Jesu sungah tawntung nuntakna om hi.
2. Jesu sungah mawhmaina om hi.
3. Jesu sungah cidamna om hi.
4. Jesu sungah lungnopna om hi.
5. Jesu sungah kipumkhatna om hi.
6. Jesu sungah innkuan ki-itna om hi.
7. Jesu sungah kideihsakna om hi.
8. Jesu sungah lametna om den hi.
9. Jesu sungah ki lawmtatna om hi.
10. Jesu sungah a mai zolo mawhna omlo hi.
11. Jesu sungah gui-awkna omlo hi.
12. Jesu sungah kisiatna omlo hi.
13. Jesu sungah kiphatsakna omlo hi.
14. Jesu sungah ki-elna omlo hi.
15. Jesu sungah kisimmawhna omlo hi.
16. Jesu sungah huaihamna omlo hi.
17. Jesu sungah angsung bek khualna omlo hi.
18. Jesu sungah kisiatna bei hi.
19. Jesu sungah kikhenna omlo hi.
20. Jesu sungah kitangsapna omlo hi.
Jesu sungpan nopna leh daihna thuphate laisim a kuamaciat tungah hong tung ta hen. Amen.
AMERICAN FLAG TANGTHU A TOM IN
Designer: John Shaw in design nam nih tawh bawl a, a mel-kang 7 leh a mel-san 6 tawh bawl in, van-mel sung -ah aksi 13 (state/colony masa 13 te etsakna) tawh ahi hi. Three Colors (mel thum) te a deihna
-Red-heartiness, hanciamna
-White-purity and innocent, siangtho, paubanglo
-Blue-perseverance and justice =ki deihsakna leh thumanna.
June 14, 1777: Congress in amasa penpen US lan ding ci in, hih ni in kipsakna nei hi.
Dan: nisuah pan nitum ciang khai ding cih ngeina kibawl a, leilak ah koih ngeiloh dingin thukhun kibawl hi. Khep hunah zong blue (van mel) tawh thuap in a dangte khuhsak ding ahi hi. Flag pen a sangpen munah khai hidinga, suunna, dahpihna hun ah khuam laizang ciang bek ah khai ding ahi hi. Gam khat deihna tampi a lak khia ahih manin, a sia leh kikek peuh mah khai ding hilo a, a siat ciangin a zahtak bang dingin haltum vet cih bangin hih dinga, ninbung sung, gun sungah pai cih bangin zat ding hilo hi.
Flag day: US president a 33na H. S. Truman in August 3.1949 ni pen US Flag Day ni ding in kipsakna bawl hi. A sangpen flag: John F Kennedy in kumpi a sep laitakin Khapi tungah mihing ih kahthei ding hiam ci in NASA te adotciangin piangthei ding hi ci uh a, June 16, 1969 ni in Neil Armstrong, Edwin Buzz leh Michael Collins te Appolo11 rocket tawh lengto uh a, June 20, 1969 10:5pm Eastern Standard time in amasa penpen Khapi tung a khe tawh Armstrong in sik-kha in Edwin Collins zong tawh paisuk khawm uh hi, Buzz ahih leh Orbit tawh khapi kimkot in manzaih kawi-kawi hi. Armstrong leh Michael te in US flag phut uh a, tua pen leitung mite khut bawl lak pan a masa penpen flag khapi tungah a kiphut a suak hi. Jesu laan: A sangpen van pan hong kum suk in, a niam penpen Calvary mual tungah gualzawhna laan Pasian in hong phut suk hi. American flag mindang khat pen "Old Glory" ahi hi.
GUALZAWHNA TAWH JESU, JERUSALEM AH
1. A hun a cinciangin a pahtawi ding a hunlap in omsak hi (Fil.2;10-11).
2. Israelte kumpipa a hihna a kilatna dingin La (donkey) tungtuangin muakna ngah citciat hi (Zech. 9:9; Mt.21:5; Jn.19:19-21).
3. Jesu pen leitung khempeuh kumpipa ahihna hang ahi hi (Mang.5:11-13).
4. Vantung ah pahtawina pen a tawntung in a vantung mite in sun leh zan in phat den uh hi (Late 148:2,5; Mang 4:11; 22:8-9).
KUATE IN JESU THAT HIAM?
1. Miphak kuate zong kihel kha ding hi (Lk.17:17; Jn.19:5-7).
2. Nisuh nipi ni a, Pasian min tawh hong paipa in thupha ngah ta hen a ci tampi zong kihel ding hi (Mt.21:5; Jn.19:5-7).
3. Judah uliante leh Rom galkapte (Jn.19:1-37).
4. Leitung mi khempeuh mawhna in that hi (Jn.1:29; Rom.5:12-21;2Pit.2:22-25).
5. Jesu a um nuamlo, a sang zolo, Pasian hi a ci nuamlote in Jesu a thatthat lai ahi hi (Sawl.2:38-41).
Jesu leh The Sanhedrin Sanhedrin in bang hiam?
Greek kammal hi in English version te ah Sanhedrin kici a, ei laisiangtho sungah uliante cihdan in let uh hi. Greek kammal nih "sun" (hikhawm) leh "hedra" (tukkhopna) cih pan hongpiang hi in, ei pau in "donghu kipawlna" cih ding himai hi. Jew mite kimuhkhopna (biakinnpi hilo, biakinn neute zong kici thei) ah kimu khawm ziauziau uh a, gam thu lam bulphuh zawdeuh in, kipawlna khat ahi hi. Hih Sanhedrin pen Farisai, Sadducee, Laitheite, siampite cih bangin a vek un a kipawlkhop na uh zong kici thei hi (English version te ah na et nop leh:Mt.26:59; Mk.1:55; 15:1; Jn.11:47; Sawl.4:15; 5:21 5:27,34,35,41; 6:12,15; 7:54; 22:30; 23:1,6,15,20). Jesu hunlai in, hih Sandedrin te pen laws leh biakna vai ah thukhenna tawh kisai thuneite ahi uh hi (Jewish Supreme Court).
Kipat hun: Moses hun pan hong kipan kipawlna khat hi dingin upmawh huai hi. (Gam.11:16,17), ahih kei leh Kumpi Jehoshafat hun pan (2Khang.19:8). Hih kipawlna ah makai lutang 70 pan 72 ciang phathei hi. Tuate in:
1. Siampi lianpen pa, President
2. Siampi semthei 24 khen tuamtuam lutangpite
3. Laitheite leh sitnite
4. Ulian (ai theilo aitang palaite
Jesu tungtang ah: Jesu a kimat khit ciangin a thumveina bawlsiatna mun pen hih Sanhedrin te mai ahi hi (Mt.26:65,66; 27:1,2). Hih munsan ah, a mit kituamsak, cil-phihna leh satna nak thuak mahmah hi. Sanhedrin te mai ah Jesu in anuai a bangin tuam thuakngiat mawk hi:
1. Mi khat peuh mawhsaknopna tawh a mat uh ciangin, kimkot phot uh a, tua khitciangin thu dong uh hi. Ahizongin, Jesu tungtang ah hi bangdan piangkhalo hi, ahang pen khua amuhlohna dingin amaute in Jesu mit puantawh gakcip, tuamsak pah uh hi.
2. Mi nih thukhensatna khatpeuh a pia ding in a kiseh ngeina ahi hi. Khat sep dingpen, hihpa mawhna neilo hi (acquittal) a ci ding leh, hih pa mawhmah hi a ci ding. Hibang dan in thunei ding mi nih cih bang omlo in, a vekpi un mawhsak pah mawk uh hi, amau ngeina tawh kituaklo hi. Mawhna neilo hi ci in amau sungpan a genkhia thei om bang hileh a suakta thei lai ahi hi. Mawhneilo hi (acquittal) a ci ding a omlohna mun ah, mawhmah hi ci in a thukim uh leh zong, a mat ni zan un thukhen pah ngeilo uh hinapi in Jesu tungtang ah a zingsang khuavak ngaklo in mawhsakna thukhen pah uh hi.
Thukhupna: Israel biakna maikaite, uliante (The Sanhedrin), Rom galkapte bek himawk lo in, lei tung mimawh khempeuhte adingn hong ki that, hong si, a sisan luangkhia ahi hi. Nang leh kei mawhna in amah that ahi hi. Mihingte thukhenna tawh a si hilozaw in, ama thukhenna "mimawhte tatna dingin si bualo mawhmailo, a lian mahmah ama banzak ngiat in tatna" tawh hong gupkhiatna dingin sihna hong thuak ahi hi (Pai.6:6; Isa.53:2-12; Fil.2:6-8; Heb.8-10 chs). Eite in ama liamma hangin damna ih ngah a, ama thumanna hangin gupna ih ngah hi (Rom.6:1-23).
website www.zomipentecostalchurch.org
Zion Tangko hawm a 11 vei na ciangah hong tun Topa a minthang ta hen. Amen. Jesu sungah tha lakhawm kik ni. 1. Jesu sungah tawntung nuntakna om hi.
2. Jesu sungah mawhmaina om hi.
3. Jesu sungah cidamna om hi.
4. Jesu sungah lungnopna om hi.
5. Jesu sungah kipumkhatna om hi.
6. Jesu sungah innkuan ki-itna om hi.
7. Jesu sungah kideihsakna om hi.
8. Jesu sungah lametna om den hi.
9. Jesu sungah ki lawmtatna om hi.
10. Jesu sungah a mai zolo mawhna omlo hi.
11. Jesu sungah gui-awkna omlo hi.
12. Jesu sungah kisiatna omlo hi.
13. Jesu sungah kiphatsakna omlo hi.
14. Jesu sungah ki-elna omlo hi.
15. Jesu sungah kisimmawhna omlo hi.
16. Jesu sungah huaihamna omlo hi.
17. Jesu sungah angsung bek khualna omlo hi.
18. Jesu sungah kisiatna bei hi.
19. Jesu sungah kikhenna omlo hi.
20. Jesu sungah kitangsapna omlo hi.
Jesu sungpan nopna leh daihna thuphate laisim a kuamaciat tungah hong tung ta hen. Amen.
AMERICAN FLAG TANGTHU A TOM IN
Designer: John Shaw in design nam nih tawh bawl a, a mel-kang 7 leh a mel-san 6 tawh bawl in, van-mel sung -ah aksi 13 (state/colony masa 13 te etsakna) tawh ahi hi. Three Colors (mel thum) te a deihna
-Red-heartiness, hanciamna
-White-purity and innocent, siangtho, paubanglo
-Blue-perseverance and justice =ki deihsakna leh thumanna.
June 14, 1777: Congress in amasa penpen US lan ding ci in, hih ni in kipsakna nei hi.
Dan: nisuah pan nitum ciang khai ding cih ngeina kibawl a, leilak ah koih ngeiloh dingin thukhun kibawl hi. Khep hunah zong blue (van mel) tawh thuap in a dangte khuhsak ding ahi hi. Flag pen a sangpen munah khai hidinga, suunna, dahpihna hun ah khuam laizang ciang bek ah khai ding ahi hi. Gam khat deihna tampi a lak khia ahih manin, a sia leh kikek peuh mah khai ding hilo a, a siat ciangin a zahtak bang dingin haltum vet cih bangin hih dinga, ninbung sung, gun sungah pai cih bangin zat ding hilo hi.
Flag day: US president a 33na H. S. Truman in August 3.1949 ni pen US Flag Day ni ding in kipsakna bawl hi. A sangpen flag: John F Kennedy in kumpi a sep laitakin Khapi tungah mihing ih kahthei ding hiam ci in NASA te adotciangin piangthei ding hi ci uh a, June 16, 1969 ni in Neil Armstrong, Edwin Buzz leh Michael Collins te Appolo11 rocket tawh lengto uh a, June 20, 1969 10:5pm Eastern Standard time in amasa penpen Khapi tung a khe tawh Armstrong in sik-kha in Edwin Collins zong tawh paisuk khawm uh hi, Buzz ahih leh Orbit tawh khapi kimkot in manzaih kawi-kawi hi. Armstrong leh Michael te in US flag phut uh a, tua pen leitung mite khut bawl lak pan a masa penpen flag khapi tungah a kiphut a suak hi. Jesu laan: A sangpen van pan hong kum suk in, a niam penpen Calvary mual tungah gualzawhna laan Pasian in hong phut suk hi. American flag mindang khat pen "Old Glory" ahi hi.
GUALZAWHNA TAWH JESU, JERUSALEM AH
1. A hun a cinciangin a pahtawi ding a hunlap in omsak hi (Fil.2;10-11).
2. Israelte kumpipa a hihna a kilatna dingin La (donkey) tungtuangin muakna ngah citciat hi (Zech. 9:9; Mt.21:5; Jn.19:19-21).
3. Jesu pen leitung khempeuh kumpipa ahihna hang ahi hi (Mang.5:11-13).
4. Vantung ah pahtawina pen a tawntung in a vantung mite in sun leh zan in phat den uh hi (Late 148:2,5; Mang 4:11; 22:8-9).
KUATE IN JESU THAT HIAM?
1. Miphak kuate zong kihel kha ding hi (Lk.17:17; Jn.19:5-7).
2. Nisuh nipi ni a, Pasian min tawh hong paipa in thupha ngah ta hen a ci tampi zong kihel ding hi (Mt.21:5; Jn.19:5-7).
3. Judah uliante leh Rom galkapte (Jn.19:1-37).
4. Leitung mi khempeuh mawhna in that hi (Jn.1:29; Rom.5:12-21;2Pit.2:22-25).
5. Jesu a um nuamlo, a sang zolo, Pasian hi a ci nuamlote in Jesu a thatthat lai ahi hi (Sawl.2:38-41).
Jesu leh The Sanhedrin Sanhedrin in bang hiam?
Greek kammal hi in English version te ah Sanhedrin kici a, ei laisiangtho sungah uliante cihdan in let uh hi. Greek kammal nih "sun" (hikhawm) leh "hedra" (tukkhopna) cih pan hongpiang hi in, ei pau in "donghu kipawlna" cih ding himai hi. Jew mite kimuhkhopna (biakinnpi hilo, biakinn neute zong kici thei) ah kimu khawm ziauziau uh a, gam thu lam bulphuh zawdeuh in, kipawlna khat ahi hi. Hih Sanhedrin pen Farisai, Sadducee, Laitheite, siampite cih bangin a vek un a kipawlkhop na uh zong kici thei hi (English version te ah na et nop leh:Mt.26:59; Mk.1:55; 15:1; Jn.11:47; Sawl.4:15; 5:21 5:27,34,35,41; 6:12,15; 7:54; 22:30; 23:1,6,15,20). Jesu hunlai in, hih Sandedrin te pen laws leh biakna vai ah thukhenna tawh kisai thuneite ahi uh hi (Jewish Supreme Court).
Kipat hun: Moses hun pan hong kipan kipawlna khat hi dingin upmawh huai hi. (Gam.11:16,17), ahih kei leh Kumpi Jehoshafat hun pan (2Khang.19:8). Hih kipawlna ah makai lutang 70 pan 72 ciang phathei hi. Tuate in:
1. Siampi lianpen pa, President
2. Siampi semthei 24 khen tuamtuam lutangpite
3. Laitheite leh sitnite
4. Ulian (ai theilo aitang palaite
Jesu tungtang ah: Jesu a kimat khit ciangin a thumveina bawlsiatna mun pen hih Sanhedrin te mai ahi hi (Mt.26:65,66; 27:1,2). Hih munsan ah, a mit kituamsak, cil-phihna leh satna nak thuak mahmah hi. Sanhedrin te mai ah Jesu in anuai a bangin tuam thuakngiat mawk hi:
1. Mi khat peuh mawhsaknopna tawh a mat uh ciangin, kimkot phot uh a, tua khitciangin thu dong uh hi. Ahizongin, Jesu tungtang ah hi bangdan piangkhalo hi, ahang pen khua amuhlohna dingin amaute in Jesu mit puantawh gakcip, tuamsak pah uh hi.
2. Mi nih thukhensatna khatpeuh a pia ding in a kiseh ngeina ahi hi. Khat sep dingpen, hihpa mawhna neilo hi (acquittal) a ci ding leh, hih pa mawhmah hi a ci ding. Hibang dan in thunei ding mi nih cih bang omlo in, a vekpi un mawhsak pah mawk uh hi, amau ngeina tawh kituaklo hi. Mawhna neilo hi ci in amau sungpan a genkhia thei om bang hileh a suakta thei lai ahi hi. Mawhneilo hi (acquittal) a ci ding a omlohna mun ah, mawhmah hi ci in a thukim uh leh zong, a mat ni zan un thukhen pah ngeilo uh hinapi in Jesu tungtang ah a zingsang khuavak ngaklo in mawhsakna thukhen pah uh hi.
Thukhupna: Israel biakna maikaite, uliante (The Sanhedrin), Rom galkapte bek himawk lo in, lei tung mimawh khempeuhte adingn hong ki that, hong si, a sisan luangkhia ahi hi. Nang leh kei mawhna in amah that ahi hi. Mihingte thukhenna tawh a si hilozaw in, ama thukhenna "mimawhte tatna dingin si bualo mawhmailo, a lian mahmah ama banzak ngiat in tatna" tawh hong gupkhiatna dingin sihna hong thuak ahi hi (Pai.6:6; Isa.53:2-12; Fil.2:6-8; Heb.8-10 chs). Eite in ama liamma hangin damna ih ngah a, ama thumanna hangin gupna ih ngah hi (Rom.6:1-23).
website www.zomipentecostalchurch.org
Category: Ziontangko
0 comments