Zion Tangko Hawm 4 Na

Thang Thawn Tuang Guite | 8:04 AM | 0 comments

ZION TANGKO
　

October 11th, 2015

Hawm Lina

Copies 150

Periodical of Apostolic Herald Herald

　

The Full Gospel to the Whole World by the Church


The Full Gospel to the Whole World
UPNA NEI MI IH CIHTE

Amawhna a kisikkik mi hi ding hi...

Thuman thutak ahi Jesu ahihna bangin a pom/asang mi hi ding hi...

Jesu in Satan tungah thukhenna tawh gualzawhna lakkhin zo hi cih athei mi ahi hi…

AD 30 hun pawl a, Pentecost Day ni in Khasiangtho hong kibua in Pawlpi hong ding hi cih upna neimi hi ding hi.

Sawltakte upna, thuhilhna, zuihna, lametna banglian anei mi hi ding…

Jn. 16:8-12; Mk.16:15-17; Act. 1:8; 2:38-39; Gal.1:7,9; Efe.4:4-5; Mt.16:18-19.






Editorial Laikung pan

Zion Tangko hawm lina ciang ah hong tun Topa minthang semsem ta hen.

Hun thupi: US nuntakna ah hun thupi penpen phadiak hi. Hun awng omlo cih mi khempeuh kampan kipulak den hi.  Hun neilo a cite, hun tawmtawm nei, hun ngah a cite khempeuh ih hun zat pen ni khat in nai 24 mah a zang khawm citciat ih hi hi. Hun bei veve sungpan Topa a dingin a manpha in hun ih zat ding thupi penpen hi.




Hun ngahlo: Hun nei mahmah keng a cici khat in, a cih kawm kawmin viber leh facebook minute 40 sung tawh a hun bei na beisak thei hi. Hun omlo a cih sungin a hunzatna pen tv mai, shopping mall sung kileh suk, kileh to in, van khat zong leilo in hun zang na hithei hi. Lasin hun ding hun omlo, home cell pai hun ding ah hun lemlo, kikhop dingciang hun lemlo ih cih pen Topa tawh ih hunzat tawmlua leh innkuan sung, mimal nuntakna ah Topa tawh kilawmtatna tawmlua sak thei hi.
Nasem den: US gam pen nasemte bek a ki nungta ding ahi hi. Ahizongin, ih khualzitna pak hilo in, ih tensuakna ding mun/gam ahih manin, kikhawm manlo lianga nasepna company pen a hihtheih lai teng pelhhuai hi, kikhawm man a, nasem thei mi na hihna dingin thungen in.


USA One Dollar Bill Thu

Aksi 50 : USA States teng etsakna White 6 & 7 Red: US gam phut State 13
Thu masa: US sum (laidal) khem peuh lakpan a kibawl masa penpen One Dollar ahi hi.  1795 kum in a US min tawh sumtang “the Long Hair Dollar “cih  kibawl khia masa penpen hi. Sumtang a neihma un Spanish Dollar kici sumtang na zang toto phot uh hi. Siktang pan laidal ciang ah a zattoh uh thu tawm ih kikum dinga, 1957 kum pan tu ciang a kizangsuak one dollar limgen sawm ni.
1862: Abraham Lincoln (1861-1865) in kumpi a sep hunsungin Secretary of the Treasury ahi Salmon P Chase lim amai ah tuangsak uh a, United State cih agol in kigelh hi.
1869: Design thak hong puahpha leuleu in amai ah George Washington leh Christopher Columbus photos aki maituah tuangsak uh hi. United States note mun ah treasury note cih tawh laih uh hi.
1873: Treasury Note cih pan in United States note cih tawh hong puahpha leuleu in, amel color zong hong laih uh hi.
Zion Tangko hawm lina ciang ah hong tun Topa minthang semsem ta hen.


1880: One a cihna mun pen red color tawh hong puahpha leuleu uh a, George Washington photo bek ong tuangsak uh hi.
1886: First Lady ahi Martha Washington lim ong tuangsak leuleu uh a, One Silver Certificate cih min puasak uh hi.
1891: Khat vei hong puahpha leuleu uh a, ahizongin,tua zah in minthang lualo in kigen hi.
1896: George Washington leh azi Martha Washington a tuangkhawm khat ong bawlkhia leuleu uh hi. Educational Series cih bulphuh sak uh hi.
1899: Abraham Lincoln leh Ulysses S Grant kumpi nih atuang khat hongbawl leuleu uh hi.
Kipuahpha toto: 1917, 1918, 1923, 1929, 1933, 1934, 1935 1942, hih kumte ah amel puakzia tamveipi puahpha uh hi. Hihte pen tu in muh ding omnawnlo in, a kimuh kik leh $ 4 millions bangin leikik ngam uh hi.
1957: Dwight D. Eisenhower  kumpi a sep hunsungin One Dollar Bill kipuahpha leuleu hi. 1955 kum in a kipsuak ding thukhun kip Law: “US Dollar sumtang leh laidal tung khem peuh ah “In God we Trust” cih kigelh ding. 1957 kum pan tuni ciang kizang suak in, Dollar lui khem peuh 1968 kum nungah muh ding haksa ta hi. State 13 tawh a dingkhia gam etsakna in, US flag leh logo ahi muvanlai zong tuang sak uh hi. A taklam ah the Great Seal sungah 1) mittang: “Pasian in hong mu/kem tawntung” cih etsakna, 2) Latin laimal: atungah “ANNUIT CEOPTIS” “hong angvan den hi”, 3) anuai ah: NOVUS ORDO SECLORUM  “Thukhun thak khanghun”. 4) Pyramid step 13 pan a khatna ah  Latin Numbat: MDCCLXXVI=1776 Independence ngah kum ( M=1000, D=500, C=100, L=50 , X=10, V=5, I=1) kigelh hi. US gam thu khempeuh One Dolar tungah kimphial hi.

American Kumpi 44 te  & Party

  1. George Washington: Apr 30. 1789-March 4, 1797 (None)
  2. John Adams: March 4, 1797-March 4, 1801 (Federalist)
  3. Thomas Jefferson: March 4, 1801-March 4, 1809 (Dem)
  4. James Madison: March 4, 1809-March 4, 1817 (Dem)
  5. James Monroe:March 4, 1817-March 4, 1825 (Demo)
  6. John Q. Adams: March 4, 1825-March 4, 1829 (Demo)
  7. Andrew Jackson: March 4, 1829-March 4, 1837 (Demo)
  8. Martin Van Buren: March 4, 1837-March , 1841 (Demo)
  9. William H Harrison: March 4, 1841-April 4, 1841 (Whig)
  10. John Tyler: April 4, 1841-March 4, 1845  (Whig)
  11. James Knox Polk: March 4, 1845-March 4, 1849 (Demo)
  12. Zachary Taylor: March 4, 1849-July 9, 1850 (Whig)
  13. Millard Fillmore: July 9, 1850-March 4, 1853 (Whig)
  14. Franklin Pierce: March 4, 1853-March 4, 1857 (Demo)
  15. James Buchanan: March 4, 1857-March 4, 1861 (Demo)
  16. Abraham Lincoln: March 4, 1861-April 15, 1865 (Repub)
  17. Andrew Johnson: March 4, 1865-March 4, 1869 (Demo)
  18. Ulysses S Grant: March 4, 1869-March 4, 1877 (Repub)
  19. Rutherford B. Hayes: March 4, 1877-March 4, 1881 (Rep)
  20. James A Garfield: March 4, 1881-Sept. 19,1881 (Repub)
  21. Chester A. Arthur: March 4, 1881-March 4, 1885 (Repub.)
  22. Grover Cleveland: March 4, 1885-March 4, 1889 (Demct)
  23. Benjamin Harrison: March 4, 1889-March 4, 1893 (Rep)
  24. Grover Cleveland: March 4, 1893-March 4, 1897 (Democ)
  25. William McKinley: March 4, 1897-sept. 14, 1901 (Republican
  26. Theodore Roosevelt: Sept.14, 1901-March 1909 (Republican)
  27.  William H. Taft: March 4, 1909-March 1913 (Republican)
  28. Woodrow Wilson: March 4, 1913-March 4, 1921 (Democrat)
  29. Warren G. Harding: March 4, 1921-Aug. 2, 1923 (Republican)
  30. Calvin Coolidge: Aug 2, 1923-March 4, 1929 (Republican)
  31. Herbert Hoover: March 4, 1929-March 4, 1933 (Republican)
  32.  Franklin D. Roosevelt: March 4, 1933-Apr.12, 1942 (Democratic)
  33.  Harry S Truman: Apr 12, 1945-Jan.20, 1953 (Democratic)
  34.  Dwight D Eisenhower: Jan. 20, 1953-Jan.20, 1961 (Republican)
  35.  John F. Kennedy: Jan.20, 1961-Nov.22, 1963 ((Democratic)
  36.  Lyndon B Johnson: Nov 22, 1963-Jan. 20, 1969 (Democra.)
  37. Richard Nixon: Jan. 20, 1969-Aug.9, 1974 (Republican)
  38.  Gerald Ford: Aug 9, 1974-Jan.20, 1977 (Republican)
  39. Jimmy Carter: Jan 20, 1977-Jan 20, 1981 (Democratic)
  40.  Ronald Reagan: Jan 20, 1981-Jan 20, 1989 (Republican)
  41.  George HW Bush: Jan 29, 1989-Jan.1993 (Republican)
  42.  Bill Clinton: Jan 20, 1993-Jan 20, 2001 (Democratic)
  43. George W Bush: Jan 20, 2001-Jan 20, 2009 (Republican)
  44. Barack H Obama: Jan 20, 2009-Present (Democratic )

US Kumpite in Laisiang tho Thu a Pulakna dan uh
 
  • Goerge Washington (kumpi masa pen): Laisiangtho tawh kopkhawm lo in, lungmuangtak a gamsung uk theihna ding lampi dang omlo hi.
  • John Adams (anihna kumpi): Leitung ah laibu hoih pen leh a kicing pen Laisiangtho bu bek ahi hi. Ka muh khak ngei laibu saal khempeuh sangin a kicing zaw leh a tangzai zaw hih Lai siangtho bukhat sung ah kihel kim zo zawzen hi.
  • Thomas Jefferson (a thumna): Laisiangtho in Leitung ah mi cingtaak pen hong hi-sak thei hi.
  • John Quincy Adams (a guk na): Ka daupai theihna leh ka gualzawh theihna dingin Laisiangtho in a kiciangtan theilo pilna leh hatna hong guan hi.
  • Zachary Taylor (12th): Hih Laisiangtho in a ithuai leh a thuman hi ci a, ih gam pu leh pate in a kepcing uh gamh khat a hih ban ah, gamdang kumpite sehnel gam gawtak ah a lot-thal na uh galhiam ahi hi.
  • Abraham Lincoln (16th): Vei leh tak cih nangawn ih theih loh laitak in, Laisiang-tho in lam hong hilh hi. Leitung mi khempeuh ading Pasian in hong piak letsong khempeuh sung pan in a lian penpen Laisiangtho bu hi ci in ka um hi.
  • Ulysses S.Grant (18th): Laisiangtho pen,US gambuppi lungmuangtak in hong omsak gige ih khetphim ahi hi.
  • Rutherfold B. Hayes (19th): Leitung a biakna hoih penpen ih cih Laisiangtho biakna ahi hi. Tua biakna a hoih semsem nading in puahpha toto hi.
  • Benjamin Harrison (23rd): Laisiangtho tungtawn in nuntak nuam (gamnuam) hong pusuak thei bek hi.
  • William McKinley (25th): Alamdang mahmah khat ah, Laisiangtho ih tam sim semsem leh, a hampha minamte taktak ih hihna hong langkhia sak semsem hi. 　
  • Theodore Roosevelt (26th): Laisiangtho a thu don hetlo mi khat bangci khantoh theih peuhmah ding hiam?
  • Woodrow Wilson (28th): Nuntakna a picin theihna ding in lampi hong lak Laisiangtho bek a om hi.
  • Herbert Hoover (31st): Ih ngeina khempeuh hong puahpha ding in hu hong muam Laisiang tho Khazih hong hilhna pan bek hi a, America gam ih cih pen Laisiangtho simna pan hongpiang khia ahihi.
  • Franklin D. Roosevelt (32nd): Hih in thahatna ding in naak khat hi a, lung lutna tawh Laisiangtho a simsim mi khat pen pilna a beh lap den mipa ahi hi.
  • Dwight D. Eisenhower (34th): A sang penpen Laisiang-tho deih na ih cih in tawntung kha tha a ding in thuman na hi mawk hi.
LAISIANGTHO IH CIH IN

  • Pasian Kammal ahi hi
  • Pasian thu a kiciaptehna ahi hi
  • Pasian tangthu bu ahi hi.
  • Pasian in hong thuhilhna hi.
  • Pasian in hong thapiakna hi
  • Pasian in kepna bu hi.
  • Pasian in hong pilsakna hi.
  • Pasian in hong tawitehna hi.
  • Pasian in hong sekna hi.
  • Pasian in hong gal-etna hi.
  • Pasian in hong nai-etna hi.
  • Pasian in hong zonna hi.
  • Pasian in hong muhna hi.
  • Pasian in ong hangsan sakna hi.
  • Pasian in hong leptuahna hi.
  • Pasian hong itsak bu hi.
  • Pasian hong lausak bu hi.

Website:
www.zomipentecostaltv.com
By Pa Thawn Tuang  











         




















        Category:

        Zomi Pentecostal Church:
        Hih Online nong etsak manin lungdam mahmah ung.Biakpiak hun: 2:00pm-5:00pm

        0 comments